Alfred Erardi y Elisa di Lorenzo
Juebia, 02.01.2025 da les 20:50-21:05
Recunëscer l bel, jan a spaz tres la cuntreda y ferman l tëmp cun n aparat da fé fotos. Alfred Erardi ie n fotograf de natura cun na sensibltà particulera. Dlongia la pultredes, che l fej n gran pert tl parch naturel de Fanes-Sennes-Braies, à l fotograf y maester n pension nce abù l'ucajion de jì ora per l mond a pultré ju fenomens naturei de marueia, coche l'aurora borealis o la scureda dl surëdl.
Elisa Di Lorenzo vën perdrët dal'Emilia, ma si vester davierta l'à purteda a giaurì l prim studio de tatuajes y piercings tla Val Badia. Si bona man y si savëi da cunsië i tlienc ie mé una dla truep cumpetënzes che na tatuadëura muessa avëi te n mestier artejanel che vën for plu docà.
Program de Ivan Senoner y Hans Peter Karbon, a cura de Leo Senoner